കൊച്ചി. മാര്‍ച്ച് എട്ട് വനിതാദിനം ആഘോഷമാക്കാന്‍ തീരുമാനിച്ച വനിതകള്‍ക്കിതാ KTDC മികച്ചൊരു അവസരമൊരുക്കിയിരിക്കുന്നു. കത്തുന്ന ചൂടില്‍ നിന്നും ജോലിത്തിരക്കുകളില്‍ നിന്നുമെല്ലാം മാറി, മനം കുളിര്‍ക്കെ ആഘോഷിക്കാന്‍ കെടിഡിസിയുടെ വിവിധ റിസോര്‍ട്ടുകളിലും ഹോട്ടലുകളിലും വന്‍ ഓഫറുകളാണ് സ്ത്രീകള്‍ക്ക് മാത്രമായി പ്രഖ്യാപിച്ചിരിക്കുന്നത്. #CelebrateHer എന്ന പേരിലുള്ള അവതരിപ്പിച്ച ഈ ഓഫര്‍ സംസ്ഥാനത്ത് വിവിധയിടങ്ങളിലായി സ്ഥിതി ചെയ്യുന്ന കെടിഡിസിയുടെ പ്രീമിയം പ്രോപര്‍ട്ടികളിലും ബജറ്റ് പ്രോപര്‍ട്ടികളിലും ലഭ്യമാണ്.
മാര്‍ച്ച് 3 മുതല്‍ 10 വരെ താമസം ബുക്ക് ചെയ്യുന്ന വനിതകള്‍ക്കാണ് ഓഫര്‍ ലഭിക്കുക. ഹോട്ടലുകളിലും റിസോര്‍ട്ടുകളിലും റൂം നിരക്കില്‍ 50 ശതമാനം ഇളവും ഭക്ഷണത്തിന് 20 ശതമാനം ഇളവുമാണ് ലഭിക്കും. കോവളത്തെ സമുദ്ര, കുമരകത്തെ വാട്ടര്‍സ്‌കേപ്‌സ്, തേക്കടിയിലെ ആരണ്യ നിവാസ്, തിരുവനന്തപുരത്തെ മാസ്‌കറ്റ് എന്നീ പ്രമീയം ഹോട്ടലുകളിലും റിസോട്ടുകള്‍ക്കു പുറമെ പൊന്മുടിയിലെ ഗോള്‍ഡന്‍ പീക്ക്, വയനാട്ടിലെ പെപ്പര്‍ ഗ്രൂവ്, മലമ്പുഴയിലെ ഗാര്‍ഡന്‍ ഹൗസ്, തേക്കടിയിലെ പെരിയാല്‍ ഹൗസ്, തണ്ണീര്‍മുക്കത്തെ കുമരകം ഗേറ്റ്‌വേ, ആലപ്പുഴയിലെ റിപ്പിള്‍ ലാന്‍ഡ്, കണ്ണൂരിലെ ലൂം ലാന്‍ഡ്, പറശ്ശിനിക്കടവിലെ ഫോക്ക് ലാന്‍ഡ്, ഗുരുവായൂരിനെ നന്ദനം എന്നിവിടങ്ങളിലും ഈ ഓഫര്‍ ലഭിക്കും.
