കോഴിക്കോട്. AIR INDIA EXPRESS കോഴിക്കോട് എയര്‍പോര്‍ട്ടില്‍ നിന്ന് ബെംഗളൂരുവിലേക്ക് ജനുവരി 16 മുതല്‍ പ്രതിദിന സര്‍വീസ് ആരംഭിക്കുന്നു. ആഴ്ചയില്‍ ഏഴ് സര്‍വീസുകളുണ്ട്. കോഴിക്കോട് നിന്ന് രാത്രി 8.15ന് പുറപ്പെട്ട് ബെംഗളൂരുവില്‍ 9.15ന് ഇറങ്ങു. 2,990 രൂപയാണ് ടിക്കറ്റ് നിരക്ക്. ബെംഗളൂരുവിൽ നിന്നുള്ള വിമാനം വൈകീട്ട് 6.45ന് പുറപ്പെട്ട് കോഴിക്കോട്ട് 7.45ന് ഇറങ്ങും. ആഭ്യന്തര സര്‍വീസുകള്‍ വിപുലീകരിക്കുന്നതിന്റെ ഭാഗമായാണ് എയര്‍ ഇന്ത്യ എക്‌സ്പ്രസ് ഈ സെക്ടറില്‍ നേരിട്ടുള്ള സര്‍വീസുകള്‍ക്ക് തുടക്കമിട്ടത്. ദീര്‍ഘ യാത്രാ സമയമെടുക്കുന്ന എയര്‍ ഇന്ത്യയുടെ കണക്ഷന്‍ സര്‍വീസ് ദിവസവും കോഴിക്കോട്ട് നിന്നുണ്ട്.
നിലവില്‍ ഇന്‍ഡിഗോ മാത്രമാണ് കോഴിക്കോട് നിന്ന് ബെംഗളൂരുവിലേക്ക് നേരിട്ടുള്ള പ്രതിദിന സര്‍വീസ് നടത്തി വരുന്നത്. ആഴ്ചയില്‍ 15 സര്‍വീസുകളുണ്ട്. ദിവസവും രണ്ടു വിമാനങ്ങളുണ്ട്. ചൊവ്വാഴ്ചകളില്‍ മൂന്ന് സര്‍വീസുമുണ്ട്. രാവിലെ 9.55നും വൈകീട്ട് 6.30നുമാണ് ബെംഗളൂരുവിലേക്കുള്ള ഇന്‍ഡിഗോ സര്‍വീസുകള്‍. 1.10 മണിക്കൂറാണ് യാത്രാ സമയം. നിരക്ക് 2800 രൂപയില്‍ നിന്നാണ് തുടങ്ങും.
