കോട്ടയം. ശബരിമല തീര്‍ത്ഥാടന സീസണിലെ യാത്രക്കാരുടെ തിരക്ക് കണക്കിലെടുത്ത് ദക്ഷിണ റെയില്‍വേ അവതരിപ്പിച്ച ചെന്നൈ-കോട്ടയം വന്ദേഭാരത് എക്‌സ്പ്രസ് (Vande Bharat Sabari Express) വെള്ളിയാഴ്ച മുതല്‍ സര്‍വീസ് ആരംഭിക്കും. പ്രത്യേക ദ്വൈവാര സര്‍വീസാണിത്. ചെന്നൈയില്‍ നിന്ന് വെള്ളിയാഴ്ചകളിലും ഞായറാഴ്ചകളിലും പുലര്‍ച്ചെ 4.30ന് പുറപ്പെട്ട് കോട്ടയത്ത് വൈകീട്ട് 4.15ന് എത്തിച്ചേരും. ഡിസംബര്‍ 15, 17, 22, 24 തീയതികളിലാണ് ചെന്നൈയില്‍ നിന്നുള്ള വന്ദേഭാരത് ശബരി എക്‌സ്പ്രസ് (06151) സര്‍വീസ്.
തിരിച്ചുള്ള യാത്ര കോട്ടയത്തു നിന്ന് ശനിയാഴ്ചകളിലും തിങ്കളാഴ്ചകളിലും പുലര്‍ച്ചെ 4.40ന് ആരംഭിക്കും. വൈകീട്ട് 5.15ന് ചെന്നൈ സെന്‍ട്രലില്‍ എത്തിച്ചേരും. കോട്ടയം-ചെന്നൈ Vande Bharat Sabari Express (06152) ഡിസംബര്‍ 16, 18, 23, 25 തീയതികളിലാണ് സര്‍വീസ്.
