കൊച്ചി. ക്രിസ്മസ് അവധിക്കാലത്തെ യാത്രാതിരക്ക് പരിഗണിച്ച് കേരളത്തിലോടുന്ന ജനശദാബ്ദി എക്സ്പ്രസ് (Jan Shatabdi Express) ട്രെയിനുകളിൽ ഓരോ സെക്കൻഡ് ക്ലാസ് കോച്ചുകൾ അധികമായി അനുവദിച്ചു. 12075 കോഴിക്കോട്-തിരുവനന്തപുരം, 12076 തിരുവനന്തപുരം-കോഴിക്കോട് ജനശതാബ്ദി സൂപ്പർഫാസ്റ്റ് എക്സ്പ്രസിൽ ഡിസംബർ 22, 23, 24, 25 തീയതികളിലാണ് അധിക കോച്ചുകൾ കൂട്ടിച്ചേർക്കുക. 12081 കണ്ണൂർ-തിരുവനന്തപുരം, 12082 തിരുവനന്തപുരം-കണ്ണൂർ ജനശതാബ്ദി സൂപ്പർ ഫാസ്റ്റ് എക്സ്പ്രസിൽ ഡിസംബർ 20, 21, 22, 23, 24, 25, 26 തീയതികളിലുമാണ് അധിക കോച്ചുകൾ ഉണ്ടായിരിക്കുക.
ഇരുദിശകളിലുമായി ഒരു ദിവസം പരമാവധി 360 പേർക്ക് വരെ അധികമായി യാത്ര ചെയ്യാം. 90 സീറ്റുള്ള ചെയർകാർ അധികമായി ഓരോ ട്രെയിനിലും കൂട്ടിച്ചേർക്കുന്നത്. ആഴ്ചയിൽ ആറു ദിവസമാണ് ജനശദാബ്ദി എക്സ്പ്രസ് സർവീസുകളുള്ളത്. ദിവസം നാലു ട്രെയിനുകൾ ഓടും.
