അബു ദബി. മാസങ്ങളായി നിർത്തിവച്ച കോഴിക്കോട്, തിരുവനന്തപുരം സർവീസുകൾ ഇത്തിഹാദ് എയർവേയ്സ് (Etihad Airways) പുനരാരംഭിക്കുന്നു. അബു ദബിയുടെ ഔദ്യോഗിക വിമാന കമ്പനിയായ ഇത്തിഹാദ് അടുത്ത വർഷം ജനുവരി മുതൽ ഈ സർവീസുകൾ പുനഃസ്ഥാപിക്കും. നിലവിൽ കേരളത്തിൽ കൊച്ചിയിലേക്ക് മാത്രമാണ് ഇത്തിഹാദ് വിമാനങ്ങൾ സർവീസ് നടത്തുന്നത്.
കൊച്ചിയിലേക്കും ചെന്നൈയിലേക്കുമുള്ള സർവീസുകളുടെ എണ്ണം വർധിപ്പിച്ചതായും ഇത്തിഹാദ് അറിയിച്ചു. അബു ദബിയിലേക്ക് വിനോദ സഞ്ചാരികൾ ഉൾപ്പെടെ കൂടുതൽ പേരെ എത്തിക്കുക എന്നതാണ് ലക്ഷ്യം. സർവീസുകൾ വർധിപ്പിക്കുന്നതോടൊപ്പം ഹോട്ടൽ ചെക്ക് ഇൻ, ചെക്ക് ഔട്ട് സമയവുമായി ബന്ധപ്പെടുത്തി വിമാന സർവീസുകളും ക്രമീകരിക്കുമെന്നും കമ്പനി അറിയിച്ചു.
ഇത്തിഹാദ് സർവീസുകൾ പുനരാരംഭിക്കുന്നത് കോഴിക്കോട് നിന്നുള്ള വിമാന നിരക്കുകൾ കുറയാൻ സഹായിക്കുമെന്നാണ് പ്രവാസികളുടെ പ്രതീക്ഷ.
Also Read മിക്ക വിമാന യാത്രക്കാർക്കും ഈ ഓഫറുകളെ കുറിച്ച് ഒരു ചുക്കുമറിയില്ല
