കൊച്ചി. സ്വാതന്ത്ര്യ ദിനത്തില്‍ കൊച്ചി മെട്രോയില്‍ 20 രൂപയ്ക്ക് ഏതു സ്റ്റേഷനിലേക്കു വേണമെങ്കിലും സഞ്ചരിക്കാം. നിലവിലുള്ള 10 രൂപ, 20 രൂപ ടിക്കറ്റുകളിൽ മാറ്റമുണ്ടാകില്ല. 30, 40, 50, 60 രൂപ ടിക്കറ്റുകൾക്ക് പകരം 20 ടിക്കറ്റ് ആയിരിക്കും നൽകുക. ഓഗസ്റ്റ് 15 ചൊവ്വാഴ്ച രാവിലെ ആറു മണി മുതൽ രാത്രി 11 വരെ യാത്രക്കാർക്ക് ഈ ഓഫർ ലഭിക്കും. പേപ്പര്‍ ക്യൂ ആര്‍, ഡിജിറ്റല്‍ ക്യൂആര്‍, കൊച്ചി വണ്‍ കാര്‍ഡ് എന്നിവയിലും ഈ ഇളവുകള്‍ ലഭിക്കും. കൊച്ചി വണ്‍ കാര്‍ഡ് ഉപയോഗിക്കുന്നവര്‍ക്ക് ക്യാഷ്ബാക്ക് ആയാണ് ഇളവ് ലഭിക്കുക.
സ്വാതന്ത്ര്യ ദിനാഘോഷങ്ങൾക്കു പുറമെ ഓണം അവധിക്കാലത്ത് കൂടുതൽ യാത്രക്കാരെ ആകർഷിക്കാനുള്ള പരിപാടികൾ കൊച്ചി മെട്രോ ആസുത്രണം ചെയ്യുന്നുണ്ട്. വിവിധ സ്റ്റേഷനുകളിൽ ഓണാഘോഷ പരിപാടികളും സംഘടിപ്പിക്കും.
